Túrmede «Úlken suraq» spektakli qoıyldy - Aqtóbe oblysy
AQTÓBE. QazAqparat - Tahaýı Ahtanov atyndaǵy drama teatrynyń ártisteri Jem qalasyndaǵy KA-168/5 túzetý mekemesinde «Úlken suraq» spektaklin qoıdy, dep habarlaıdy QazAqparat tilshisi.
«Qoıylymdaǵy basty keıipker -Sánııa men Sálimbaı. Sálimbaıdyń ózi sengen álemi, dini boldy. Ol Sánııanyń ata-anasymen kelispeı, aq batasyn almaı shetel asyp ketti. Keıin ózi súıip qosylǵan Sánııaǵa talaq aıtyp, baýyrlaryna «syılady». Sóıtip óz jary beıtanys bireýge úshinshi áıel bolyp ketti. Bári bilimniń taıazdyǵynan, beıtanys adamdardyń aıtqanyna senip, adasýdan bolady. Osy týyndyny kórip otyrǵan jazasyn óteýshiler ómirlik sabaq aldy dep esepteımiz. Adam bolashaǵy, balasy úshin týra joldy tańdaýy kerek. Kez kelgen adamǵa sený qatelikke uryndyrady. Bireýdiń jetegine erip, oılanbaı áreketke barǵan adamdar durys joldy tańdap, der kezinde qateligin biledi dep oılaımyz»,- dedi KA-168/5 mekemesiniń bólim bastyǵy Qanat Meńdibaev.
Tahaýı Ahtanov atyndaǵy drama teatr ártisteri ótken jyly din jolynda adasyp júrgenderge oı salatyn «Esigimdi qaqqan kim?» qoıylymyn sahnalaǵan bolatyn. Dinı taqyryptaǵy bul spektakl de túzetý mekemelerinde kórsetilgen edi.
«Din jolynda adasqandardyń ómirin jan-jaqty sýrettegen bul spektakl barlyq túrmede qoıylady. Negizi túzetý mekemelerinde tárbıelik máni bar qoıylymdar kórsetiledi»,- deıdi drama teatr dırektorynyń orynbasary Jandos Espanbetov.
Pesa avtory - Asylbek Noǵaev, rejısseri - Meıram Habıbýllın.
