Túrmede sottalýshylardy ustaýdyń jańa tártibi engizilmek
NUR-SULTAN. QazAqparat - Qazaqstan sottalýshylardy ustaýdyń kameralyq rejımine kóshýdi josparlap otyr. Bul týraly QR Іshki ister mınıstrligi Qylmystyq atqarý júıesi komıtetiniń tóraǵasy Janat Eshmaǵambetov aıtty, dep habarlaıdy QazAqparat tilshisi.
«Mekemeler negizinen ótken ǵasyrdyń 30-shy, 50-shi jyldarynda salynǵan. Olardyń kópshiligi tehnıkalyq turǵyda eskirgen. Qylmystyq atqarý júıesindegi negizgi problemalardyń biri - bul ustaýdyń otrıadtyq baraktyq júıesi. ıAǵnı, bir bólmede 100-200 sottalýshy ustaldy. Mundaı jaǵdaıda qandaı da tárbıelik sharalar qoldaný óte qıyn. Sottalýshylar osylaı kóp shoǵyrlanǵanda qylmystyq ortanyń birneshe bedeldisi ǵana sottalýshylardyń zańǵa moıynsunatyn negizgi bóligine teris yqpal ete alady. Aldyńǵy qatarly álemdik tájirıbege oraı, biz ustaýdyń kameralyq rejımine kóshýdi josparlap otyrmyz. Onda bir kamerada 6-dan artyq sottalýshy bolmaıdy», - dedi komıtet tóraǵasy Іshki ister mınıstrligi alańynda ótken baspasóz máslıhatynda.
Onyń dereginshe, elimizde otrıadtyq baraktyq júıedegi 8 mekeme bar. Olarda shamamen 4 myń adam jazasyn ótep jatyr.
«Eń aldymen qoldanystaǵy ǵımarattary men qurylǵylaryn jańǵyrtý qajettiligi bar 6 mekemeni aıqyndap aldyq. Qazirgi ýaqytta tehnıkalyq-ekonomıkalyq negizdemesi, jobalyq-smetalyq qujattamasy ázirlengen. Olardyń qurylysýy qarjylandyrýǵa jáne ekonomıkalyq ahýaldyń munan ary damýyna tikeleı baılanysty», - dedi Janat Eshmaǵambetov.
