«Túrmede sottalǵandar jappaı óz tamyrlaryn kesken»: QAJ departamenti málimdeme jasady

Áleýmettik jelide Shyǵys Qazaqstan oblysyndaǵy túrmede sottalǵandar jappaı óz tamyrlaryn keskendigi jaıly habar tarap jatyr. Osyǵan qatysty QAJ departamenti resmı málimdeme jasady, dep habarlaıdy QazAqparat tilshisi.

«ShQO boıynsha QAJ jepartamentiniń № 18 túzetý mekemesinde sottalǵandar jappaı óz ózderine qol jumsaǵany týraly WhatsApp messendjerinde taratylǵan aqparat shyndyqqa janaspaıdy. Alaıda 14 qyrkúıek kúni osy túrmede eki sottalýshy ózderine dene jaraqatyn salǵanyn habarlaımyz. Sottalǵandar bul áreketterin mekeme tártibimen kelispeýine baılanysty jasaǵanyn, ustaý tártibimen men sharttardy jumsartýdy, atap aıtqanda, mekemede erkin qozǵalyp turýdy, telebaǵdarlamalardy kórýdi jáne kamera esigin qulyptamaýdy talap etetinin túsindirgen», - dep habarlady departamenttiń baspasóz qyzmetinen.

Sottalǵandarǵa aýrýhanaǵa jatqyzylmaı, sol jerde alǵashqy medıtsınalyq kómek kórsetilgen. Bul derek anyqtamalardy tirkeý kitabyna tirkeldi.

«QAJ departamentimen qyzmettik tergeý taǵaıyndady. Mekemege prokýratýra ókilderi kelip, jeke máseleler boıynsha qabyldaý da ótkizdi», - delingen aqparatta.