Túrmede salafızmdi ustanýshylarǵa 25 myń aqparattyq-túsindirý is-sharasyn ótkizdik – ІІM

ASTANA. KAZINFORM – Іshki ister mınıstrligindegiler Kazinform saýalyna joldaǵan jaýapta túrmedegi dinı kontıngenttiń qaı sanaty erekshe nazarda ekenin aıtty.

- Jyl basynan beri qylmystyq atqarý júıesi mekemelerinde jergilikti atqarýshy organdardyń mamandary, Qazaqstan musylmandar dinı basqarmasynyń jáne úkimettik emes uıymdardyń ókilderi 15 myń sottalǵandy qamtı otyryp, onyń ishinde radıkaldy kózqarasy joq «salafızmdi» ustanýshylarmen 25 myń aqparattyq-túsindirý is-sharalaryn ótkizdi, - dep jazylǵan mınıstrlik jaýabynda.

Aıta ketý kerek, elimizde sottalǵandardy radıkaldy kózqarastan aryltýdyń biryńǵaı baǵdarlamasy bar.

- 2025 jylǵy 2 aı ishinde 5 myńnan astam sottalǵan adamdy qamtıtyn 6 myńǵa jýyq aqparattyq-túsindirý is-sharalary ótkizildi.

Destrýktıvti dinı aǵym ustanýshylardy ońaltýdyń jeke baǵdarlamalary ázirlendi, dinı bilim deńgeıine, radıkaldylyq dárejesine, oǵan tartylýdyń sebepterine taldaý júrgiziledi, - delingen resmı málimette.

Buǵan deıin Qazaqstan túrmelerindegi 1 myńnan astam áıel raqymshylyqqa ilinýi múmkin ekenin jazǵan edik.