Túrmede birneshe tutqyn ashtyq jarııalady
ASTANA. QazAqparat - Reseıdiń Orlov oblysyndaǵy túrmede otyrǵandardyń ashtyq jarııalaýy faktisin tergeýshiler tekserip jatyr, dep habarlaıdy Reseı Tergeý komıtetiniń óńirlik basqarmasy.
«Reseı federaldyq jaza óteý qyzmeti basqarmasynyń Orlov oblysyndaǵy №2 túzeý kolonııasynyń toǵyz tutqyny tártip sharalary qoldanylatyn ǵımaratta tamaq ishýden bas tartatynyn málimdegen. Olar tutqynda ustaý rejimin jeńildetý máselesinde óz talaptaryn aıtyp otyr», - delingen habarlamada.
Tergeýshiler tutqyndardyń aıtqandary men túrme qyzmetkerleri qoldanǵan sharalardyń zańdylyǵyn tekserip jatyr, dep habarlaıdy interfax.ru.
