Túrme reformasy forýmyna QAJK basshylyǵynyń qatyspaýy Bas prokýrordyń shamyna tıdi

ASTANA. QazAqparat - Búgin elordada ótken 4-shi túrme reformasy forýmynyń jumysyna Qylmystyq-atqarý júıesi komıtetiniń basshylyǵy qatyspady. Bul jaıt forým jumysyn júrgizgen QR Bas prokýrory Jaqyp Asanovtyń ashýyn týǵyzdy, dep habarlaıdy QazAqparat.

«Osynda QAJK tóraǵasy bar ma ózi? Mynadaı áńgimeler bolyp jatyr, al tóraǵa joq. Olar úshin munan asqan qandaı mańyzdy taqyryp bolýy múmkin? Mine qarym-qatynasy. Bizde QAJK-de qanshama tóraǵa boldy, olar ár ýaqytta da vedomstvo múddesin qorǵaıtyn. 3 jylda sizderdiń 80 qyzmetkerlerińiz sottaldy. Óz áriptesterińizdi aıamaısyzdar ma? Óz áriptesterińizdi oılasańyzdarshy! Sizder olarǵa mundaıǵa jol berýge barlyq jaǵdaı jasaısyzdar da bul durys dep oılaımyzdar ma?», - dedi Asanov.

Sonymen qatar Bas prokýror áli kúnge deıin túzeý  mekemelerin vıdeokameralarmen, al QAJK qyzmetkerlerin vıdeoregıstratorlarmen jabdyqtaý sharalary qolǵa alynbaǵandyǵyn basa aıtty.

«Zańdy buzady, azaptaıdy, sondaı ahýal qalyptasqan, eshteńe jazylmaıdy. Ol tıyn turady, barlyq jerge  ornatyp, kózge túspeıtin aımaqtardy joıý kerek», - dedi ol.