Túrme qyzmetkerleri jazasyn óteýshi naýqas úshin qan tapsyrdy
QYZYLORDA. QazAqparat- Qyzylorda oblysy boıynsha Qylmystyq-atqarý júıesi departamentine qarasty ZK-169/5 túzetý mekemesiniń ujymy «Qan tapsyr da, erteńgi kúnge úmit syıla» atty úndeýmen Qyzylorda oblystyq qan tapsyrý ortalyǵyna baryp, qan tapsyrý qaıyrymdylyq aktsııasyn ótkizdi.
Aktsııaǵa 20-ǵa jýyq mekeme qyzmetkeri qatysty. Іs-shara atalǵan mekemede jaza merzimin ótep jatqan naýqas, qanǵa muqtaj bolyp otyrǵan Babyr Shakarımovke kómek qolyn sozý maqsatynda uıymdastyryldy.
Adam boıyndaǵy qaıǵyǵa ortaqtasyp, tileýlestik bildirip, qoldarynan kelgenshe qol ushyn sozý - árbir deni saý adamnyń azamattyq paryzy. Sondyqtan, mekeme bastyǵy ádilet maıory T.Qalymbetov mundaı ıgi shara jyl saıyn jalǵasyn taýyp, dástúrge aınalatyndyǵyna senim bildirip, naýqas B.Shakarımovtyń saýyǵyp ketýine tilektestigin bildirdi.
