Túrme forýmy: EO jobasyna Bas prokýrordyń ózi «qamqorshy» boldy

ASTANA. QazAqparat - Búgin 4-shi túrme reformasy forýmy barysynda Eýropalyq odaqtyń «Qazaqstandaǵy qylmystyq sot ádildigin jetildirý» jobasynyń sarapshysy Sáýle Mektepbaeva atalǵan jobanyń júzege asyrylýy jaıynda aıtyp berdi, dep habarlaıdy QazAqparat.

«Osydan 4 jyl buryn, 2012 jyly Jaqyp Qajmanuly (QR Bas prokýrory Asanov) maǵan habarlasyp, túrme forýmy jobasymen birlese jumys isteýge usynys jasady. Sol kezde ol maǵan tabysty joba qupııasy bar ekendigin aıtqan bolatyn. Ol jobaǵa úsh adam, ıaǵnı, shabyttandyrýshy, jaqsy oryndaýshy jáne «qamqorshy» bolýy kerektigin atap ótti. Mine osy jobanyń «qamqorshysy», jetekshisi Jaqyp Qajmanuly bolǵan edi», - dedi ol.

Sonymen qatar Mektepbaeva elimizdiń Bas prokýrory tek qana «qamqorshy» ǵana emes sonymen birge shabyttandyrýshy da bolǵanyn basa aıtty.

«Jumys toby Bas prokýratýranyń 5 qabatynda saǵattap otyratyn. Óte kóp saraptamalyq jumys júrgizildi. Statıstıkalar qajet bolǵan kezderi keıbir kezeńge arnalǵan túrme statıstıkasynyń bolmaǵany da anyqtaldy. Sondyqtan sebepter men tergeý nátıjeleleriniń durystyǵyn salystyrý úshin muraǵatty kóterýge týra keldi. Búgin atalǵan komandanyń tabandylyǵynyń arqasynda joba júzege asyryldy dep aıta alamyn», - dedi Mektepbaeva.