Túrme bastyǵynyń orynbasary paramen ustaldy
QR Memlekettik qyzmet isteri jáne sybaılas jemqorlyqqa qarsy kúres agenttiginiń resmı ókili Nurlan Jaxınniń aıtýynsha, 12 maýsymda Jambyl oblysy boıynsha Qylmystyq atqarý departamentiniń JD 158/5 mekeme bastyǵynyń jedel jumys jónindegi orynbasary Dıxanbaev paramen ustaldy. Ol sottalýshydan 2 mıllıon teńge alǵan. "Ol aqsha sottalýshynyń qamaýda ustaý jaǵdaıyn jeńildetý jáne jalpy qamqorlyq kórsetý úshin alynǵan. Dıxanbaev óz kinásin tolyǵymen moıyndady. Sol sebepti qamaýǵa alynǵan joq", - dedi N.Jaxın Astanada ótken baspasóz máslıxatynda.
Aıta keteıik, búgin agenttik ókilderi paramen ustalǵan birneshe sheneýniktiń vıdeosyn jarııalady. Olardyń ishinde QR Syrtqy ister mınıstrliginiń burynǵy jaýapty xatshysy, sondaı-aq, "Kedentransservıstiń" AQ vıtse-prezıdenti bar.