Túrli esirtki zattaryn úıinde saqtaǵan shymkenttik 3 jylǵa sottaldy

ShYMKENT. QazAqparat - Shymkent qalasynyń Abaı aýdandyq sotynda 47 jastaǵy jergilikti turǵynǵa qatysty sot úkimi shyqty, dep habarlaıdy QazAqparat tilshisi.

Tártip saqshylary jedel is-sharalar júrgizý barysynda «Alash» bazary aýmaǵynda 1 kelige jýyq esirtki zatyn saqtaǵan jergilikti turǵyndy quryqtaǵan bolatyn. Sondaı-aq onyń turǵylyqty mekenjaıyn tekserý barysynda asa iri kólemdegi esirtki zattary tabyldy.

«Júrgizilgen saraptama nátıjesi kúdiktiden alynǵan esirtki zaty salmaǵy 997 gramdy quraıtyn keptirilgen marıhýana ekeni anyqtaldy. Al onyń úıinen tabylǵan qaptamalarǵa oralǵan zattar – 14 keli 822 gramm keptirilgen marıhýana, 466 gramm gashısh, 20 gramm tetragıdrokannabınol jáne 4 keli 112 gramm keptirilgen marıhýana bolyp shyqty», - delingen Shymkent qalasy polıtsııa departamentiniń baspasóz qyzmeti taratqan aqparatta.

Shymkent qalasy Abaı aýdandyq sotynyń úkimimen kúdikti Qylmystyq kodekstiń 296-baby 4-bóligimen (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) kózdelgen qylmystyq quqyq buzýshylyqty jasaǵany úshin kináli dep tanyldy. Ol 3 jylǵa bas bostandyǵynan aıyryldy.