«Turkvizyon-2015» halyqaralyq án baıqaýynyń ulttyq irikteý fınalyna ótken ónerpazdar anyqtaldy (FOTO)
ASTANA. QazAqparat - Qazaqstan boıynsha baıqaýdyń resmı saıtyna el namysyn halyqaralyq dodada qorǵaýǵa nıet bildirgen seksennen astam qatysýshynyń ótinishi kelip tústi. Nátıjesinde baıqaý sarapshylary bir aýyzdan 19 fınalıstiń esimin anyqtady.
Sonymen «Turkvizyon-2015» halyqaralyq án baıqaýynyń ulttyq irikteýine qatysýǵa Ardaq Alekeshev, Albına Oganesıan, Azamat Bekbergenov, «Araı» toby, AIBOO, Baýyrjan Retbaev, Beıbit Qoshqalıev, Gúlmıra Jumabekova, Dıas Ablaev, Ergen Aıtymbetov, «Indıgo» toby, Qamar sulý, Marhaba Sábı, «Orda» toby, Raıym Ýaıys, Rýslan Berdımatov, Rústem Júginisov, «Saryn» toby men Hanaıym syndy ozyq shyqqan óner ıeleri joldama aldy. ІІІ halyqaralyq «Turkvizyon-2015» án baıqaýynyń ulttyq irikteý fınaly 2015 jyldyń 6 qarashasynda ótedi. Baıqaý jeńimpazy «Habar» telearnasynyń tikeleı efırinde anyqtalady. Halyqaralyq dárejedegi án baıqaýynyń Grand-fınaly Túrkııanyń Ystambul qalasynda ótedi, dep habarlaıdy baistars.kz.
