Túriktiń ushqyshsyz ushý apparaty tarıhta alǵash ret áýedegi nysanany kórý qashyqtyǵynan tys joıdy

ASTANA. KAZINFORM — Túrik joıǵysh ushaǵy «áýe-áýe» zymyranyn paıdalanyp dybystan jyldam reaktıvti nysanany kóriný qashyqtyǵynan tys joıǵan alǵashqy úshqyshsyz jaýyngerlik ushaq bolyp, álemdik avıatsııa tarıhyna endi, dep habarlaıdy Anadolu aqparat agenttigi.

Synaq Sınop qalasynyń mańyndaǵy polıgonda ótti. Ushqyshsyz ushý apparaty nysanany borttaǵy belsendi fazaly tor kómegimen anyqtap, uzaq qashyqtyqqa ushatyn zymyrandy sátti ushyrdy. Ulttyq zymyran joǵary jyldamdyqtaǵy nysanaǵa dál tıdi.

Álemdegi ushqyshsyz áskerı ushaq jobalarynyń kópshiligi «áýe-jer» mindetin oryndaý úshin ázirlenip otyr. Osy ýaqytqa deıin álemde eshbir ushqyshsyz platforma áýe nysandaryn atyp túsirý múmkindigine ıe bolǵan joq.

Avıatsııa tarıhynda alǵash ret tolyǵymen ulttyq «radar-zymyran-ushqyshsyz tasyǵysh» ulttyq tizbegi áýedegi urys mıssııasyn sátti oryndady.

Ushqyshsyz ushý apparaty óte tómen radıolokatsııalyq baıqalýy men ozyq sensorlarynyń arqasynda jaýdy ózi anyqtalǵanǵa deıin alys qashyqtyqtan anyqtaı alady. 

Synaqqa Merzıfon áýe bazasynan ushyp shyqqan Túrkııa áýe kúshteriniń bes F-16 joıǵysh ushaǵy qatysty.

Kazinform úshin arnaıy Anadolu seriktes agenttigi usynǵan.

Buǵan deıin Túrkııa áskerı ónim eksporty boıynsha jańa rekord ornatqanyn jazǵan bolatynbyz.