Túriktiń besinshi býynǵa jatatyn «KAAN» joıǵysh ushaǵy alǵash ret áýege kóterildi

ASTANA. KAZINFORM – Túrkııada shyǵarylǵan besinshi býyn «KAAN» joıǵysh ushaǵy alǵashqy ushýyn sátti aıaqtady.

Joıǵysh ushaq Ankara mańyndaǵy Mıýrted áýe bazasynan alǵash ret áýege kóterilip, qysqa ýaqytqa sozylǵan synaqtan keıin aerodromǵa oraldy. «KAAN» ushaǵy arqyly Túrkııa besinshi býyn ushaqtaryn shyǵaratyn bes eldiń tizimine kiredi.

Jańa býyn qarýlary ıntegratsııasynyń arqasynda «KAAN» dybystan júırik jyldamdyqpen dál soqqylar jasaı alady. Jasandy ıntellekt júıeleri men neırondyq jelilerdi qoldaý ushaqty qosymsha qýatpen qamtamasyz etedi.

«KAAN» baǵdarlamasyn iske asyrý sheńberinde Túrkııada naızaǵaıdyń áserinen borttyq jabdyqty synaýǵa, sondaı-aq radıolokatsııalyq baqylaý aımaǵynda ushaqtyń kórinýin synaýǵa arnalǵan álemdegi sanaýly iri ushý synaq ortalyqtarynyń biri qurylady.