Túrkitanýshy ǵalymdar Mahmud Qashqarı murasy týraly jınaq shyǵarady
ASTANA. KAZINFORM – Bishkekte «Túrki áleminiń ortaq murasy «Dıýanı luǵat-at-túrktiń» 950 jyldyǵy» atty halyqaralyq konferentsııa ótip jatyr.
Qyrǵyzstan, Qazaqstan, Ózbekstan, Ázerbaıjan jáne Túrkııa elderinen kelgen túrkitanýshylar avtordyń ómirbaıany, «Dıýanı luǵat-at-túrk» týyndysynyń jazylý maqsaty, shyǵarmanyń tili, sonymen qatar eńbekte qamtylǵan tarıhı-etnografııalyq málimetter men ádebı materıaldar sekildi ǵylymı máselelerdi talqylady.
Ásirese shyǵarmanyń aýdarmalary men zertteýlerine jáne onyń túrki tilderiniń tarıhyn, qazirgi dıalektilerdi, ádebıetti, etnografııany, salystyrmaly til bilimin zertteýdegi mańyzdylyǵyna erekshe nazar aýdaryldy.
Jıynnyń ashylýynda sóz sóılegen Túrki akademııasynyń prezıdenti Shahın Mustafaev XI ǵasyrda jazylǵan Mahmud Qashqarıdyń shyǵarmasy túrki halyqtary men taıpalarynyń áleýmettik qurylymyn, geografııasyn, turmys-tirshiligin, nanym-senimderin, mıfologııasyn jáne halyq ádebıetin qamtıtyn túrki entsıklopedııasy ekenin atap ótti.
«Dıýanı luǵat-at-túrktiń» túrki halyqtary ıntegratsııasynyń ǵylymı-mádenı negizin qamtamasyz etýdegi mańyzy zor. Bul jıyn osy saladaǵy jańa zertteýlerdiń kókjıegin keńeıterine senim bildiremin. Búgingi jıynda oqylǵan baıandamalar arnaıy jınaq bolyp shyǵarylady», - dedi Sh. Mustafaev.
Aıta keteıik, konferentsııanyń ashylý saltanatyna Qyrǵyz Respýblıkasy Bilim jáne ǵylym mınıstriniń birinshi orynbasary Bekjan Sýpanalıev, Túrki memleketteri uıymynyń Bas hatshysy Kýbanychbek Omýralıev, Qyrǵyz Respýblıkasy Prezıdentiniń keńesshisi Arslan Koıchıev, Túrik lıngvıstıkalyq qoǵamynyń prezıdenti Osman Mert, Túrkııanyń ıÝNESKO isteri jónindegi ulttyq komıssııasynyń tóraǵasy Ódjal Oǵyz jáne Qyrǵyz-túrik «Manas» ýnıversıtetiniń rektory Alpaslan Djeılan qatysty. Qatysýshylar basqosýdyń túrki memleketteriniń ǵylym men mádenıet salasyndaǵy yntymaqtastyǵyn nyǵaıtýdaǵy mańyzdylyǵyn eskerdi.
