Túrkistannyń jańartylǵan bas jospary: qansha gektar jer memleket muqtajyna alynady
TÚRKІSTAN. KAZINFORM — Taıaýda Úkimet qaýlysymen Túrkistan qalasynyń bas jospary jańartylyp, qaıta bekitildi.
Jańa bas jospar 2044 jylǵa deıingi kezeńdi qamtıdy. Sol jylǵa deıin shaharda halyq sany 400 myń adamǵa jetedi dep boljanyp otyr. Al І kezeńde (2031 jylǵa deıin) turǵyndar sany 280 myńǵa deıin ósedi.
Qalalyq sáýlet jáne qala qurylysy bóliminiń basshysy Muhıt Kóshenovtyń aıtýynsha, jańartylǵan qujatqa sáıkes oblys ortalyǵynda 2 myń gektar jer «qyzyl syzyqtan» alynǵan. Nátıjesinde 8 myńǵa jýyq jeke turǵyn úı buzylmaıtyn boldy.
— Eski bas jospar boıynsha memleket muqtajyna alynatyn aýmaq 2700 gektar bolsa, jańartylǵan josparda «qyzyl syzyqta» tek 700 gektar jer qaldy. Aldaǵy ýaqytta jumystar qoldanystaǵy kóshelerdi keńeıtý, kishi aınalma joldardy iske qosý, áleýmettik nysandar (mektep, balabaqsha, aýrýhana), sondaı-aq jasyl aımaqtardy josparlaý maqsatynda júrgiziledi, — dedi ol.
Spıkerdiń sózinshe, turǵyn úı qory 9,8 mln sharshy metrden 11,2 mln sharshy metrge deıin ulǵaıdy. Kópqabatty turǵyn úılerdiń aýmaǵy 147 gektardan 500 gektarǵa keńeıtilip, olarǵa basymdyq berildi.
Jańa jospar boıynsha týrıster aǵyny 5 mln adamǵa jetýi, óndiristik aýmaq 900 gektarǵa ulǵaıýy jáne ınjenerlik ınfraqurylymnyń kúsheıtilýi kózdelgen. Josparǵa jańa elektr qosalqy stantsııalary, sý jáne gaz taratý nysandary engizilgen.
— Eki jylý energo stantsııasynyń qurylysynan bas tartylyp, ekonomıkalyq tıimdi blokty-modýldik qazandyqtar engizildi. Atap aıtqanda 7 qabatqa deıingi úıler — jeke páterlik jylý júıesi, 9-12 qabatty úıler — blokty-modýldik qazandyqtar jáne jeke úıler — avtonomdy qazandyq qondyrǵylary arqyly qamtamasyz etiledi. Sonymen qatar 3 jańa elektr qosalqy stantsııasy, magıstraldyq sý qubyry, «Saýran» AGTS jáne GTP-25, GTP-14a gaz taratý pýnktterin salý josparlanǵan, — dedi Muhıt Kóshenov.
Budan buryn Túrkistandaǵy ıAsaýı kesenesi aýmaǵyn qorshaý jumystary qalaı júrip jatqanyn jazǵan edik.
