Túrkistannyń birneshe qalasynda referendým kúni avtobýstar tegin qatynaıdy
TÚRKІSTAN. KAZINFORM — Túrkistan oblysynyń birqatar qalasynda referendým kúni qoǵamdyq kólik tegin bolady, dep habarlaıdy oblys ákimdiginiń baspasóz qyzmeti.
15 naýryz kúni ótetin respýblıkalyq referendýmǵa baılanysty Túrkistan oblysynyń birqatar qalasynda qoǵamdyq kólikter tegin qatynaıdy. Atap aıtqanda, bul shara Túrkistan, Kentaý, Shardara, Saryaǵash jáne Arys qalalarynda uıymdastyrylady.
Bastama turǵyndardyń mańyzdy saıası naýqanǵa qatysýyna qolaıly jaǵdaı jasaý maqsatynda qolǵa alynyp otyr. Referendým kúni qala turǵyndary men qonaqtary qoǵamdyq kólikterdi aqysyz paıdalana alady.
Tegin jol júrý barlyq avtobýs baǵyttaryn qamtıdy. Bul óz kezeginde turǵyndardyń daýys berý ýchaskelerine kedergisiz jetýine múmkindik beredi.
Eske sala keteıik, referendým kúni óńirdegi daýys berý ýchaskeleri tańǵy saǵat 07:00–den keshki 20:00–ge deıin jumys isteıdi.
