Túrkistannan Almatyǵa qaraı júk kólikteriniń qozǵalysy shekteldi

TÚRKІSTAN. KAZINFORM – Aýa raıynyń qolaısyzdyǵyna baılanysty 26 jeltoqsannan bastap Túrkistan jáne Shymkent baǵyttarynan Taraz ben Almatyǵa qaraı júk kólikteriniń júrýine shekteý qoıyldy.

– Qatty jel, kóktaıǵaq, sondaı-aq jol kórinisiniń nasharlaýy kólik qozǵalysyna qaýip tóndiredi. Osyǵan baılanysty jolǵa shyqpaýdy suraımyz, – dedi oblystyq PD Patrýldik polıtsııa batalonynyń vzvod komandıri Baqtybek Jánibekov.

Polıtsııa ókilderi turǵyndar men júrgizýshilerdi ýaqytsha shekteýlerge túsinistik tanytýǵa shaqyrady.

Buǵan deıin aýa raıyna baılanysty Túrkistan oblysynda júk kólikteriniń qozǵalysy shektelgenin jazǵan edik. 

Qazaqstannyń 17 oblysynda aýa raıyna baılanysty eskertý jarııalandy.