Túrkistanǵa saparlaıtyn áýe reısteri artady - mınıstrlik
ASTANA. KAZINFORM – Túrkistan qalasynyń týrızmin damytýdyń bólek keshendi josparyn daıarlanady. Bul týraly Senattyń jalpy otyrysynda QR Týrızm jáne sport vıtse-mınıstri Erjan Erkinbaev málim etti
- Túrkistanda týrızmdi damytýǵa kedergi bolǵan sebepterdiń biri – ol halyqaralyq ári ishki áýe reısterdiń jetispeýi. Biraq soǵan qaramastan, 2024 jyldyń qorytyndysy boıynsha 2023 jylmen salystyrǵanda shetelden kelgen týrısterdiń sany 2 ese kóbeıdi. Qazir elimizdiń áýe parkine 16 jańa ushaq qosylaıyn dep jatyr. Sondyqtan Kólik mınıstrligimen birlese jumys istep, Túrkistanǵa keletin reısterdiń sanyn kóbeıtýge tyrysamyz, - dedi Erjan Erkinbaev senatorlardyń suraǵyna jaýap bere otyryp.
Onyń aıtýynsha, Memleket basshysynyń tapsyrmasy aıasynda úsh óńirdegi týrızmdi damytýdyń keshendi josparlary qabyldanyp jatyr.
- Túrkistannyń erekshe mártebesin eskere otyryp, atalǵan úsh keshendi josparmen shektelmeı, Túrkistan qalasynyń týrızmin damytýdyń bólek keshendi josparyn daıarlap, bekitýdi áýimdikpen kelistik. Osy oraıda salaaralyq máseleler men is-sharalar josparǵa engiziledi, - dedi vıtse-mınıstr.
Eske salsaq, 2024 jyly Prezıdent Joldaýynda Katonqaraǵaı, Zaısan jáne Kendirli óńirleriniń de týrıstik áleýetin durys paıdalaný qajet ekeni aıtylyp, osyndaı demalys aımaqtarynda sapasy joǵary jol ınfraqurylymy bar áýe beketteri men áýejaılar salý tapsyryldy.