Túrkistanǵa qatysty mazmundy jumystardy da qolǵa alýymyz kerek – Senat tóraǵasy
ASTANA. KAZINFORM – Túrkistandy damytý baǵytyndaǵy jumys dáıekti jáne júıeli túrde júrgizilýi qajet. Bul týraly Senat tóraǵasy Máýlen Áshimbaev málim etti.
- Prezıdentimiz Qasym-Jomart Kemeluly Toqaevtyń tapsyrmasymen Túrkistandy týrızm ortalyǵy retinde damytýǵa arnalǵan úlken baǵdarlama júzege asyrylyp jatyr. Búgin qaralyp jatqan zań da sonyń aıasynda ázirlendi. Osy turǵydan kelgende Túrkistanda ıAsaýıtaný ortalyǵyn qalyptastyrý jáne oıshylǵa arnalǵan mýzeıdi eksponattarmen, tıisti kontentpen toltyrýdyń mańyzy zor. Bul nysandardy ıAsaýıdiń ómiri men ilimin dáripteıtin negizgi tetik retinde qalyptastyrý qajet, – dedi Máýlen Áshimbaev Senattyń jalpy otyrysynda.
Senat tóraǵasy ıAsaýıdiń eńbekterine qatysty ǵylymı zertteýler júrgizý isin de júıeli túrde iske asyrýdyń mańyzdy ekenin aıtty.
- Túrkistandy túrki áleminiń ortalyǵy retinde damytý úshin qajetti zańdardy qabyldaýmen qatar, mazmundy jumystardy da qolǵa alýymyz kerek. Bul iske atústi qaraýǵa bolmaıdy. ıAsaýı, Ál-Farabı sııaqty babalarymyzdy nasıhattamasaq, kimdi nasıhattaımyz?! Olar – bizdiń ulttyq biregeıligimizdiń temirqazyqtary. Ulttyq biregeıligimizdi qalyptastyrý úshin sol babalarymyzdyń ilimderine taban tireýimiz kerek. Sondyqtan aldaǵy ýaqytta osy zańdar aıasynda jan-jaqty mazmundy jumystar júrgiziledi dep senemiz, – dedi Máýlen Áshimbaev.
Sonymen qatar Palata spıkeri Túrkistannyń týrıstik áleýetin tolyq iske asyrý isine de basa mán berdi.
- Memleket basshysy elimizde týrızmdi damytýǵa qatysty naqty mindetter júktedi. Bul baǵytta Túrkistannyń áleýeti zor. Qazir qalada qajetti ınfraqurylym qalyptasyp qaldy. Endi týrısterdi tartýǵa erekshe kóńil bólgen jón. Álemde týrıster úshin úlken báseke ekeni belgili. Sondyqtan osy salada da júıeli jumys qajet, – dedi Senat tóraǵasy.
Budan buryn habarlanǵandaı, búgin Senattyń jalpy otyrysynda «Túrkistan qalasynyń erekshe mártebesi týraly» zańy men ilespe qujat maquldandy.
Sonymen qatar Túrkistanǵa saparlaıtyn áýe reısteri artyp, Qoja Ahmet ıAsaýı kesenesiniń aınalasynda bıik ǵımarat salýǵa tyıym salyndy.