Túrkistanǵa 4 óńirden patrýldik polıtsııa qyzmetkerleri kómekke keldi
TÚRKІSTAN. KAZINFORM — 15 mamyrda Túrkistan qalasynda ótetin Túrki memleketteri uıymynyń (TMU) beıresmı sammıti qarsańynda qaýipsizdik sharalary kúsheıtildi.
Sońǵy kúnderi Túrkistan kóshelerinde polıtsııa ekıpajdary kóbeıgen. Muny áleýmettik jelilerde taraǵan vıdeolardan da baıqaýǵa bolady.
Oblystyq polıtsııa departamentiniń málimetinshe, Túrkistanda ótetin Túrki memleketteri basshylarynyń beıresmı sammıtine baılanysty qoǵamdyq qaýipsizdik sharalary men jol qozǵalysyn baqylaý kúsheıtilgen.
Osy maqsatta Shymkent qalasy men Almaty, Jambyl, Qyzylorda oblystarynan patrýldik polıtsııa qyzmetkerleri arnaıy shaqyrtylǵan.
— Qazirgi tańda polıtseıler qalada qoǵamdyq tártipti qadaǵalap, jol erejeleriniń saqtalýyn baqylap, quqyq buzýshylyqtardyń aldyn alý baǵytynda kúsheıtilgen rejımde qyzmet atqaryp jatyr, — delingen resmı habarlamada.
Tártip saqshylary turǵyndar men qala qonaqtaryn qoǵamdyq tártipti saqtaýǵa jáne polıtsııa qyzmetkerleriniń talaptaryna túsinistikpen qaraýǵa shaqyrdy.
Budan buryn halyqaralyq is-sharalarǵa baılanysty qala aýmaǵynda 6-15 mamyr aralyǵynda dron ushyrýǵa ýaqytsha shekteý qoıylǵanyn jazǵan edik.
