Túrkistandyqtar batys óńirlerine gýmanıtarlyq kómek jiberdi
TÚRKІSTAN. KAZINFORM - Maqtaaraldan 80 tonna gýmanıtarlyq kómek batyc óńirlerine jiberildi.
«Kúshimiz birlikte» dep urandatqan Maqtaaral aýdanynyń turǵyndary eki kúnde Myrzakent pen Atakent aýyldaryna qoıylǵan júk kólikterin zatqa toltyrdy. Gýmanıtarlyq kómektiń ishinde azyq-túlik, kıim-keshek, dári-dármek, tósek-oryn, ydys-aıaq pen gıgıenalyq quraldar sekildi ómir súrýge eń qajetti zattar bar.
Sý tasqynynan zardap shegip jatqan óńirlerge jekelegen eldimekenderdiń, eriktilerdiń bastamasymen de túrli gýmanıtarlyq, aqshalaı kómekter de jiberilýde. Onyń ishinde 2020 jyly tasqyn sýdan zardap shekken Órgebas, Jeńis, Fırdoýsı eldi mekenderiniń turǵyndary belsendilik tanytyp jatyr.
Qaıyrymdy isti Jetisaı aýdany jalǵastyryp, azyq-túlik, kıim-keshek, kórpe-tósek tıelgen taǵy bir 30 tonnalyq júk kóligin Aqtóbege jiberdi. Jetisaı aýdandyq máslıhatyndaǵy depýtattar da jalpyhalyqtyq isten qur qalmaı, arnaıy qorǵa jeke qarajaty esebinen 21 mln. teńge aýdardy. Saıram, Ordabasy aýdandarynan da kómek kerýeni jolǵa shyqty.
Búginde gýmanıtarlyq kómek kerýenin jasaqtaýǵa Túrkistan oblysynyń 17 aýdan, qalasy judyryqtaı jumylyp otyr. Halyqtyń amanaty zardap shekken aýmaqtarǵa aldaǵy ýaqytta da jetkiziledi.
Eske sala keteıik, buǵan deıin Túrkistan turǵyny 40 jasynda úshem bosanǵanyn habarlaǵan bolatynbyz.
