Túrkistandyqtar ár senbi saıyn 150 tonna qoqys jınaıdy
Túrkistandyqtar ár senbi saıyn 150 tonna qoqys jınaıdy, dep habarlaıdy Kazinform.
Túrkistan qalasynda «Meniń elim - meniń týym» ekoaktsııasy bastaldy. Oǵan Túrkistan oblysynyń ákimi Darhan Satybaldy, qala ákimi Nurbol Turashbekov jáne memlekettik mekemelerdiń basshylary, memlekettik qyzmetshiler men eriktiler qatysty.
Jalpyqalalyq senbilikte qaladaǵy saıabaqtar men gúlzarlardyń aýmaǵy qoqystan tazartyldy. Keń kólemde ótken tazalyq aktsııasyna 1000-nan astam adam qatysyp, belsendilik tanytty.
«Túrkistan qalasy 6 aýmaqqa bólinip, jınalǵan qoqysty, kesilgen aǵashtardy tasymaldaýǵa kommýnaldyq mekemelerdiń qyzmetkerleri men 30-dan astam tehnıka jumyldyryldy. Ár apta sońynda senbilikshiler kemi 150 tonna qoqys jınaıdy. Jalpyqalalyq senbilik bir aıǵa jalǵasady. Aı ishinde tazalyq, aǵash egý jumystary uıymdastyrylady» - delingen Túrkistan oblysy ákimdiginiń baspasóz qyzmeti taratqan aqparatta.
