Túrkistandyq jastar «Taza Qazaqstan» ekologııalyq sharasy aıasynda tımbıldıng ótkizdi
TÚRKІSTAN. KAZINFORM — Túrkistan oblysynda «Taza Qazaqstan» ekologııalyq bastamasy aıasynda qoǵamdyq sanany arttyrýǵa baǵyttalǵan birqatar is-sharalar ótti.
Sharany Túrkistan oblysy qoǵamdyq damý basqarmasyna qarasty «Jastar resýrstyq ortalyǵy» mekemesi júzege asyrdy. Oǵan 100-ge jýyq jas pen eriktiler qatysty.
Qoǵamdyq oryndarda ekologııalyq saýalnama júrgizilip, aqparattyq paraqshalar taratyldy. Qatysýshylar «Biz taza qalany qoldaımyz!», «#TazaQazaqstan2025 – sen de qosyl!» syndy urandardy qoldap, qorshaǵan ortany taza ustaýdyń mańyzdylyǵyn nasıhattady. Іs-shara barysynda turǵyndarmen suhbat júrgizilip, ekologııalyq mádenıetti qalyptastyrýǵa baǵyttalǵan aqparattar berildi.
«Jibek joly» saıabaǵynda ótken bul sharaǵa qatysýshylar aýmaqty kúl-qoqystan tazartyp, tabıǵatty qorǵaý mádenıetin nasıhattady.
Sonymen qatar, jastardyń uıymshyldyǵyn arttyrý maqsatynda tımbıldıng formatynda jattyǵýlar men oıyndar ótkizildi.
Aıta ketelik Almatyda ekologııalyq mádenıetti qalyptastyrý úshin ne isteletini týraly jazǵan edik.