Túrkistandyq jastar muqtaj otbasylarǵa jyl saıyn úı salyp beredi

TÚRKІSTAN. KAZINFORM - Bıyl 9 balasy bar otbasy úıli boldy.

Bıyl «Bekzat» móltek aýdanynyń 1994 jyly týǵan er azamattary bas qosyp, 4 bólmeli baspana turǵyzdy. Іshin qajetti turmystyq tehnıkamen jabdyqtap, muqtaj otbasyǵa tabystady. 

- Qurylys jumystaryn túgeldeı ózimiz júrgizdik. Kópshilikpen jınalǵan qarajatqa úıdi zaman talabyna saı etip saldyq. Aqyldasa kele, jańa úıdi kópbalaly otbasyǵa syılaýdy jón sanadyq. Igi iske at salysqan barlyq azamattarǵa, demeýshilerge rahmetimizdi aıtamyz. Bul osy kúnge deıin muqtaj otbasylarǵa arnap salynǵan 18-úı, - dedi ıgi isti uıymdastyrýshylardyń biri Beksultan Ábishov.

Bekzattyq jastardyń salǵan úıi Asylbekovtar otbasyna tabystaldy. Otaǵasy Qurbanáli men jary Móldir 9 perzentimen birneshe jyldan beri páter jaldap kúneltip kelgen. Óz kezeginde qaıyrymdy istiń sharapatyn kórgen otbasy jaqsylyqqa jany qumar jandarǵa alǵysyn bildirdi.

Aıta keteıik, budan buryn Túrkistan qalasynda jylý maýsymy aıaqtalǵanyn jazǵan bolatynbyz.