Túrkistandyq jankúıer úıiniń qaqpasyn qos komandanyń logotıpimen bezendirdi

TÚRKІSTAN. KAZINFORM — Almatyda ótetin «Qaırat» pen «Real Madrıd» arasyndaǵy kezdesý qarsańynda fýtbolsúıer qaýym óz súıikti komandalaryna túrli baǵytta qoldaý kórsetip jatyr.

Túrkistandyq jas sýretshi Ramazan Sádýaqastyń áreketi ereksheligimen kópshilikti tánti etti. Ol óz aýlasyndaǵy qaqpaǵa eki klýbtyń logotıpin salǵan. Sodan áleýmettik jelige júktegen. Jarty mıllıonnan astam qaralym jınaǵan bir sáttik vıdeoǵa áli de qoldaý kórsetip jatqandar kóp.

— Bala kúnimnen «Real Madrıdtiń» jankúıerimin. Biraq bul joly otandyq klýbqa qoldaý kórsetemin. Ideıany jańalyqtardan kórip, iske asyrýǵa bel býdym. Birneshe quty boıaý jumsaldy, otbasym qarsy bolmady, qaıta kómektesti, — deıdi jankúıer.

Kúndelikti jumystan keıin qolyna qylqalamyn alatyn Ramazan bul jumysqa bir aptaǵa jýyq ýaqytyn arnaǵan. 

Aıta keteıik, budan buryn «Qaırat» — «Real Madrıd» kezdesýinde kimder tóreshilik etetindigin jazǵan bolatynbyz.