Túrkistandyq taǵy bir túlek sheteldiń 45 joǵary oqý ornynan shaqyrtý aldy

TÚRKІSTAN. KAZINFORM – Túrkistandyq túlek Damır Aıýpov sheteldiń 45 joǵary oqý ornynan shaqyrtý aldy. Olardyń qatarynda AQSh, Shveıtsarııa, Germanııa, Ispanııa, Malaızııa, Shotlandııa sekildi elder bar. 

Túrkistan qalasyndaǵy № 15 jalpy orta mekteptiń túlegi Damır Aıýpov Ulttyq birińǵaı testileýden 133 ball jınady.

«Mektepte geografııa, matematıka jáne aǵylshyn tiline qatty kóńil bóldim. Sodan, IT salasyn tańdaımyn degen josparym boldy. Degenmen 11-synypta bul oıym ózgerdi. Onyma ókinbeımin. Qazir bıznes baǵytyn tańdap otyrmyn», - deıdi Damır Aıýpov.

Talapker oqýǵa shaqyrtý alǵan elderiniń arasynda Chehııanyń Praga qalasyn tańdap otyr. Ol cheh elinde bilim alý úshin bir jylyn til meńgerýge jumsaıtynyn aıtty. 

«Shet elde bilim alý úsh jylǵa jalǵasady. Taǵy bir jyl sol eldiń tilin meńgeremin. Meni shákirtaqysy 2,5 mln teńge bolatyn ýnıversıtetter de shaqyrdy. Biraq júrek qalaýym Eýropaǵa túsip tur» , - deıdi Damır Aıýpov. 

Aıta keteıik, buǵan deıin Túrkistandyq túlek Islam Abdýrahmanovqa álemdegi alpaýyt 6 memlekette ornalasqan 40-tan astam joǵary oqý ornynan shaqyrtý kelgen bolatyn. ıAǵnı, jas túlek BAÁ, AQSh, Anglııa, Polsha, Malaızııa, Shveıtsarııa elderindegi álemge tanymal joǵary oqý oryndarynyń grantyn jeńip aldy.

Alaıda ol AQSh-tyń Tehas shtatyndaǵy Hıýston qalasynda ornalasqan «North American University (NAU)» oqý ornynda bilim alýdy josparlap otyr.