Túrkistandyq polıtseıler trassalarda táýlik boıy kezekshilik atqaryp jatyr
TÚRKІSTAN. KAZINFORM – Tártip saqshylary qar qursaýynda qalǵan 200-den astam júk kóligin qaýipsiz jerge shyǵardy.
Túrkistan oblysynda kún raıy kúrt sýytyp, qalyń qar túsýine baılanysty joldar jabylyp, jol qozǵalysyna qıyndyq týdyryp jatyr. Sondyqtan, polıtsııa qyzmetkerleri oqys oqıǵalardyń aldyn alyp, jolda qalǵandarǵa kómek qolyn sozý maqsatynda kúsheıtilgen kún tártibinde qyzmet etip jatyr. 12 saǵat ishinde tártip saqshylary qar qursaýynda qalǵan 200-den astam júk kóligine kómektesip, qaýipsiz júrge alyp shyqty.
- Aýa raıynyń qolaısyzdyǵyna baılanysty polıtseıler aldaǵy ýaqytta da táýlik boıy joldy patrýldep, qyzmetterin jalǵastyratyn bolady, - dedi Túrkistan oblysy Polıtsııa departamentiniń baspasóz qyzmeti.
Aıta keteıik, keshe Jambyl oblysy shekarasynan Túlkibas aýdany T.Rysqulov aýyly aýmaǵynda tranzıttik júk avtokólik quraldarynyń qozǵalysyna shekteý engizilgen bolatyn. Keıinnen jol ashylyp, kólik qozǵalysy qalypqa kelgenin jazdyq.
Al Qazyǵurt asýynda júk kóligi joldan taıyp, joldy jaýyp qaldy.