Túrkistandyq polıtseıler 60-qa jýyq kólikti qar qursaýynan alyp shyqty
TÚRKІSTAN. KAZINFORM — Tártip saqshylary borandy kúni taýly aımaqtaǵy joldarda qalyp qoıǵan 60-qa jýyq júrgizýshige kómek kórsetti.
Kún raıynyń kúrt sýytýy men joldardyń taıǵaq bolýyna baılanysty jáne merekelik kúnderge oraı túrkistandyq polıtseıler kúsheıtilgen rejımde qyzmet atqarýda.
Sondaı-aq, táýlik boıy kezekshilikke túsip, kók taıǵaqtan jol shetine shyǵyp ketken kólikterge kómek berip jatyr.
Máselen, Sozaq aýdanyndaǵy Ekpindi-Birlik tas jolynda jol jıegine shyǵyp ketken «DAF» markaly aýyr júk kóligin qaýipsiz jerge alyp shyqty. Sonymen qatar, 23 jeńil kólik pen 37 júk kóligin qar qursaýynan shyǵardy.
Keıbirinde saqshylar uzaq joldan kele jatqan aýyr júk kólikteriniń júrgizýshilerine ystyq sháı men taǵam jetkizip berdi.
Igi iske kýá bolǵan azamattar polıtsııa qyzmetkerlerine shynaıy alǵystaryn jetkizdi.
— Polıtsııa qyzmetkerleriniń jyldam áreketi men kásibıliginiń arqasynda qıyn jaǵdaıdan aman shyqtyq. Kún-tún demeı qyzmet etip júrgen tártip saqshylaryna alǵysymyzdy aıtamyz, — dedi kólik júrgizýshileri.
Buǵan deıin habarlaǵanymyzdaı, Túrkistan oblysynda qaýipsizdik sharalaryn saqtamaıtyn balyqshylar kóp.