Túrkistandyq oqýshy álemniń 40 ýnıversıtetinen shaqyrtý aldy

TÚRKІSTAN. KAZINFORM — Túrkistan bilim-ınnovatsııa lıtseıiniń oqýshysy Islam Abdýrahmanov álemniń 40 ýnıversıtetine grant jeńip aldy. Ol BAÁ, AQSh, Anglııa, Polsha, Malaızııa, Shveıtsarııa elderiniń álemge tanymal joǵary oqý ornynyń stýdenti atana alady.

Islam 7-shi synyptan bastap túrli baǵyttarda baǵyn synaı otyryp, birqatar jetistikke qol jetkizdi.

Intellektýaldy jarystar, onyń ishinde shahmatpen erekshe aınalysty.

Sonyń arqasynda qalalyq jáne oblystyq deńgeıde ótken túrli jarystarda altyn men qola medal jeńip aldy. 

«8-shi synypta IT salasyna qyzyǵýshylyǵym oıanyp, jańa baǵytqa qadam bastym. Bul salada respýblıkalyq deńgeıde ótken Hackathon atty jarystan altyn medal jeńip aldym, osy is sharada alǵan tájirıbem Qazaqstandaǵy bilim olımpıadasynan birinshi oryn ıelenýime sebepker boldy. 9-synypta qoǵamdyq istermen aınalysamyn dep sheshtim. Túrkistan qalasynyń Eco Turkistan klýbynyń múshesi boldym. Keıinnen Kentaý qalasynda ózimniń Green Team atty jeke ekoklýbymdy ashtym»,-deıdi Islam Abdýrahmanov. 

11-synyptan bastap joǵary oqý ornyna túsýge daıyndyqty qolǵa alǵan Islam álemniń 6 elinen 40-tan astam ýnıversıtke shaqyrtý alyp, oblystyń abyroıyn asqaqtatty.

Islamnyń tańdaýy AQSh-tyń Tehas shtaty Hıýston qalasyndaǵy North American University (NAU) mekemesine tústi.

Úzdik oqýshy shetelde bilim alyp, otanǵa oralyp, eńbek etýdi kózdep otyr.