Túrkistandyq lýdoman burynǵy áıelin kepilge alyp, óltirmek boldy
TÚRKІSTAN. KAZINFORM — Oqıǵa kezinde jábirlenýshi moıyn tusynan jeńil dene jaraqatyn aldy.
Oqıǵa Saıram aýdanynda bolǵan.
102 pýltine habarlasqan jergilikti turǵyn otbasylyq janjaldan soń kúıeý balasy pyshaqpen qorqytyp, qyzyn kepilge alyp ketkenin jetkizgen.
«Óltiremin» degen ol «Batys Qytaı — Batys Eýropa» trassasymen Qyzylorda oblysyna qaraı baǵyt alǵan.
«Kepilge alynǵan adamdy bosatý maqsatynda tez arada jedel shtab quryldy. „Arlan“ arnaıy jasaǵynyń kúshimen „Asar“ yqshamaýdanynyń mańynda kúdikti ustaldy. Oqıǵa kezinde jábirlenýshi moıyn tusynan jeńil dene jaraqatyn alǵandyqtan aýrýhanaǵa jetkizildi. Kúdikti buryn eki ret sottalǵan, lýdomanııamen aýyrady. Úsh balasy bar. 2021 jyly erli-zaıypty ajyrasyp ketken. Qazir qamaýda otyr» delingen Túrkistan oblysy polıtsııa departamentiniń baspasóz qyzmeti taratqan aqparatta.
