Túrkistandyq dıqandar Reseıge erte pisetin qyryqqabat ónimin eksporttady
ASTANA. KAZINFORM – «Qylyshbek» sharýa qojalyǵy «Pekınka» surypty qyryqqabat óniminiń alǵashqy toptamasyn Reseı naryǵyna shyǵardy. Bul týraly AShM baspasóz qyzmeti habarlady.
Bıyl sharýashylyq 4 gektar alqapqa erte pisetin qyryqqabat ekken bolatyn. Jumys barysynda tamshylatyp sýarý sııaqty zamanaýı agrotehnologııalar qoldanylýda. Bul ónimniń shyǵymdylyǵy men sapasyn arttyrýǵa múmkindik beredi. Nátıjesinde 120 tonna ónim alý josparlanyp otyr.
Jalpy Maqtaaral aýdanynda 1404 gektar jerge kókónis daqyldary egilgen. Onyń 1016 gektary suranysqa ıe «Rında», «Pekın» jáne «Pandıon» suryptaryndaǵy qyryqqabatqa tıesili.
Ónim tek ishki naryqta ǵana emes, Reseı men Eýropa elderinde de joǵary baǵalanady.
Máselen, byltyr Maqtaaral aýdanynda 520 gektar alqapta 11 myń tonna qyryqqabat ósirilip, onyń edáýir bóligi Reseı men Belarýske eksporttalǵan edi.
Aıta keteıik, Túrkistan oblysynyń agrarlyq salasynyń negizgi erekshelikteriniń biri — jer resýrstaryn tıimdi paıdalaný. Erte pisetin qyryqqabat jınalǵannan keıin sol alqaptarǵa baqsha daqyldary, maqta, júgeri jáne basqa da aýyl sharýashylyǵy daqyldary egiledi. Bul jylyna eki, keı jaǵdaılarda úsh ret ónim alýǵa jol ashady.
Aıta ketelik óńirlerde kartop baǵasy qansha ekenin jazǵan edik.
