Túrkistandyq dárigerler 7 jasar balanyń baýyrynan bir ýys qurt aldy
TÚRKІSTAN. KAZINFORM — Túrkistan oblystyq klınıkalyq balalar aýrýhanasynyń dárigerleri kúrdeli operatsııa jasap, 7 jasar balanyń baýyr tusynan bir ýys qurtty alyp shyqty.
Naýqastanǵan jasóspirim Saryaǵash aýdandyq ortalyq aýrýhanasynan Túrkistan oblystyq balalar aýrýhanasyna jedel túrde aýystyrylǵan.
Oblystyq balalar aýrýhanasynyń dárigerleri patsıentti rentgen, kompıýterlik tomografııalyq, ýltradybystyq zertteýden ótkizip, tolyq tekserý jasaǵan.
Sodan hırýrg, bas dárigerdiń orynbasary Sultanǵalı Maýtaıuly bastaǵan dárigerler komandasy 7 jasar balaǵa kúrdeli otany sátti jasap shyqty.
Operatsııa kezinde jasóspirimniń baýyr tusynan 15-16 santımetrge jetken 9 ehınakokty kısta aldy.
«Bilikti mamandar ota aldynda eki kún boıy naýqasty daıyndap, densaýlyǵyn baqylap otyrdy. Qazirgi tańda jaǵdaıy jaqsy. 18-shi mamyr kúni bala aýrýhanadan úıine jiberildi. Atalǵan aýrý ıt, mysyq jáne tórt túlik maldan juǵýy múmkin. Sonymen qatar, durys pisirilmegen aýrý maldyń eti de adam densaýlyǵyna qaýip tóndiredi», -deıdi dárigerler.
