Túrkistandyq belsendiler 11 jastaǵy qyzǵa azǵyndyq jasamaq bolǵan er adamdy áshkereledi
TÚRKІSTAN. KAZINFORM — Kámeletke tolmaǵan qyzǵa qatysty quqyqbuzýshylyq faktisi boıynsha tekserý júrgizilip jatyr.
Jýyrda Túrkistan qalasynda bolǵan oqıǵa qoǵamda úlken rezonans týyndatty. Jelide júrgizilgen eksperıment barysynda kámeletke tolmaǵan qyz balaǵa jynystyq sıpattaǵy áreket jasaýǵa tyrysqan er adam áshkerelendi.
Belsendilerdiń málimetinshe, instagram paraqshadan «Adam Adamov» atty jalǵan akkaýnt ashqan 2002 jylǵy Janaryq aýylynan shyqqan azamat kámeletke tolmaǵan qyz balamen ıntımdik baılanys ornatýǵa árekettengen. Kezdesý kezinde kúdikti azamatty belsendiler quqyq qorǵaý organdaryna tapsyrdy.
Bul oqıǵa boıynsha Túrkistan oblysy polıtsııa departamenti resmı túsinikteme berdi.
— Atalǵan jaıt 2024 jylǵy 2 qazanda Túrkistan qalalyq polıtsııa basqarmasynyń aqparattardy esepke alý kitabyna tirkeldi. Qazirgi tańda tergep-tekserý amaldary júrgizilip jatyr. Onyń qorytyndysy boıynsha quqyqtyq baǵa beriletin bolady, — delingen vedomstvonyń resmı habarlamasynda.
Aıta keteıik, budan buryn Túrkistan oblysynda jasóspirimge azǵyndyq áreket jasaǵan muǵalim sottalǵanyn jazǵan bolatynbyz.