Túrkistandyq ájeler ulttyq kıimderdiń sán úlgisin kórsetti
TÚRKІSTAN. KAZINFORM- Naýryznamanyń onkúndiginde elimizdiń barlyq óńirinde ulttyq kıimdi nasıhattaýǵa baǵyttalǵan túrli is-sharalar ótip jatyr.
Túrkistan qalasyndaǵy «Belsendi ómir súrý» ortalyǵynyń aq jaýlyqty ájeleri men analary túrli oıý-naqyshtar beınelengen kıimderdiń sán úlgisin kórsetti. Al mádenıet úıiniń bıshileri qazaq halqynyń etno stıldegi ulttyq kıim úlgileriniń toptamasyn usyndy. Ulttyq kıimderdi dáriptep, nasıhattaýdy maqsat etken sharada ónerli jastar «Asataıaq» bıin bılep, «Naýryz amal» ánin oryndady. «ıAssy» halyqtyq etno-folklorlyq ansambli kúmbirlegen kúılerin tógip, merekeniń ajaryn ashty.
Shara sońy óńirimizge belgili ónerpazdardyń kontserttik baǵdarlamasyna ulasty.
Aıta keteıik, óńirdegi memlekettik qyzmetshiler men mekeme jumysshylary búgin jumysqa ulttyq kıimmen keldi.
Jigitter oıý-órnegi bar kastıým kıse, qyzdar áshekeılengen kamzoldarmen qyzmet kórsetip jatyr.
Ulystyń uly kúnine oraı ótip jatqan is-sharaǵa kvızısektordaǵy mekeme qyzmetkerleri men mektep ujymdary da qoldaý bildirýde.
