17:00, 11 Qańtar 2024 | GMT +6
Túrkistandy qar basyp qaldy - fotoreportaj
Túrkistanǵa qalyń qar jaýdy, dep habarlaıdy Kazinform.
Túrkistanǵa qalyń qardyń jaýýy óte sırek kezdesedi. Qysqy maýsym bastalǵaly óńirge qalyń qar túspegen bolatyn. Jańa jyldy da túrkistandyq turǵyndar qarsyz qarsy aldy. Al, búgin qala aq qarǵa orandy.
Qazirgi tańda qala ortalyǵyndaǵy qoǵamdyq oryndar men kólik joldary tazalanyp, qum men tuz sebilip jatyr. Júzge jýyq adam men 15-ten astam tehnıka qar tazalaý jumystaryna jumyldyrylǵan.
«Kazgıdromet» mamandarynyń málimetinshe, Túrkistanda kún raıy búgin túnde -10 gradýsqa deıin tómendeıdi. Al, erteń +2, +4 gradýsqa deıin qaıta kóteriledi. 14, 15 qańtar kúni jańbyr jaýyp, sońy qarǵa aınalmaq. Kúni sýytyp, jel kúsheıedi dep kútilýde.
