Túrkistandaǵy jańa saıabaqqa ánshi Dımash joldaǵan aǵash otyrǵyzyldy

Túrkistanda jańa saıabaq ashyldy, dep habarlaıdy Kazinform.

Elimizde alǵash ret «QR Qarjylyq monıtorıng agenttiginiń» saıabaǵy ashyldy. Mundaǵy basty erekshelik - 30 jerde QR kodtar ornalastyrylǵan. Azamattar bul kodtardy skanerleý arqyly elimizde qarjylyq pıramıda retinde tanylǵan uıymdardyń tolyq tizimin kóre alady.

Shara barysynda saıabaqtyń sánin keltiretin 100-den astam aǵash kóshetterin otyrǵyzý rásimi ótti. Ondaǵy aǵashtardy elimizdiń 20 oblys-qalalaryndaǵy ekonomıkalyq tergep-tekserý departamentteri joldaǵan. Sonymen qatar, Qazaqstannyń Halyq ártisi Dımash Qudaıbergenovtiń de arnaıy joldaǵan aǵash kósheti egildi.

Saltanatty sharaǵa Túrkistan oblysy ákiminiń orynbasary Beısen Tájibaev, Túrkistan qalasynyń ákimi Nurbol Turashbekov, oblystyq ekonomıkalyq tergep-tekserý departamentiniń basshysy Erbolat Balǵabaev jáne oblystaǵy barlyq jastar ortalyqtarynyń basshylary arnaıy qatysty.

Іs-sharada ónerpaz jastar ásem ánderi oryndap, myń burala bı bılep, kópshiliktiń yqylasyna bólendi.

Aıta keteıik, Túrkistan oblystyq ekonomıkalyq tergep-tekserý departamentiniń bastamasymen júzege asqan joba ázirge tek Túrkistan qalasynda ǵana bar.