Túrkistandaǵy respýblıkalyq mańyzy bar tasjoldaǵy kópir kúzge deıin jabyldy
ASTANA. KAZINFORM — Jóndeý jumystary júrgizilip jatqan kópir Túrkistan oblysy Maqtaaral aýdanyndaǵy «Altyn Saraı» demalys aımaǵynyń irgesindegi Atakent aýylynyń mańynda ornalasqan, dep habarlaıdy «QazAvtoJol».
— «QazAvtoJol» UK» AQ respýblıkalyq mańyzy bar «Jızaq — Gagarın — Jetisaı — Kırov — Qyzylásker — Abaı — Saryaǵash — Jibek joly» avtomobıl jolynyń 2-shaqyrymynda ornalasqan kópirde kúrdeli jóndeý jumystary júrgiziletinin habarlaıdy, — delingen aqparatta.
Kópirde qozǵalys 2026 jyldyń 30 sáýirinen 2026 jyldyń qyrkúıek aıyna deıin shekteledi.
Jergilikti turǵyndarǵa kólik qatynasyn qamtamasyz etý maqsatynda jeńil avtokólikter úshin «Avtomobılıster — Muratbaev — Almaty — Avtomobılıster» kósheleri arqyly ótetin ýaqytsha aınalma kópir ótkeli ashyldy.
Osy rette «QazAvtoJol» UK» AQ turǵyndar men jol paıdalanýshylardan sapar baǵytyn aldyn ala josparlaýdy, ýaqytsha jol belgileriniń talaptaryn saqtaýdy jáne júrgizilip jatqan jóndeý jumystaryna túsinistikpen qaraýdy suraıdy.
Osyǵan deıin Astana qalasynyń taǵy bir dańǵylynda jol jóndeý jumystary júrgiziletini habarlandy.
