Túrkistandaǵy «Naıman» kanalynyń 18 shaqyrymy betondaldy

ASTANA. KAZINFORM — «Qazsýshardyń» Túrkistandaǵy fılıaly «Naıman» kanalynyń 18 shaqyrymyn betondady, dep habarlaıdy Sý resýrstary jáne ırrıgatsııa mınıstrligi.

Nysan boıynda 42 sý ótkizý shlıýzi men 6 sý tospasy ornatyldy.

Qurylys jumystary jyl sońyna deıin tolyq aıaqtalady dep josparlanyp otyr. Sonymen qatar ózen ústinen ótetin akvedýk te josparǵa engizildi. «Naıman» kanalynyń jalpy uzyndyǵy — 29 shaqyrym. Bul nysan 650 gektar egistik alqabyn sýarmaly sýmen qamtamasyz etýge múmkindik beredi.

— Buryn bul shaǵyn aryq qana bolatyn, qazir búkil óńir úshin mańyzdy gıdrotehnıkalyq nysanǵa aınaldy. Kanaldy betonmen qaptaý sýarmaly sýdyń shyǵynyn azaıtyp, ony tıimdi paıdalanýǵa jol ashady, — dedi «Qazsýshardyń» Túrkistan oblysyndaǵy fılıalynyń dırektory Qazybek Bedebaev.

Buǵan deıin ý resýrstary mınıstrligi Frantsııa mamandarymen birlesip Balqash kóli basseınine zertteý júrgizdi.