Túrkistandaǵy halyqaralyq ınvestıtsııalyq forýmǵa alpaýyt kompanııa ókilderi qatysyp jatyr
TÚRKІSTAN. KAZINFORM – Túrkistanda «TURKISTAN INVESTMENT AND TOURISM FORUM – 2024» halyqaralyq ınvestıtsııalyq forýmy bastaldy. Іs-sharaǵa otandyq jáne sheteldik ınvestorlar men jergilikti atqarýshy bılik organdarynyń ókilderi qatysyp jatyr.
Eń aldymen halyqaralyq forýmǵa kelýshiler nazaryna kórme usynyldy. Onda ınvestorlarǵa Túrkistan óńiriniń qolóneri, týrıstik destınatsııalary tanystyrylyp, taza tabıǵı aýyl sharýashylyǵy ónimderi kórsetildi. Sondaı-aq oblysta júzege asyrylyp jatqan jańa jobalar da tanystyryldy.
Forým aıasynda «Túrkistan – Uly Jibek jolyndaǵy halyqaralyq yntymaqtastyqtyń ortalyǵy» taqyrybynda memlekettik organdar, bıznes jáne halyqaralyq uıym ókilderiniń qatysýymen plenarlyq otyrys ótti. Onda Ortalyq Azııa tarıhı-dıplomatııalyq qoǵamdastyǵynyń tóraǵasy Serik Narysov moderator boldy.
Túrkistan oblysynyń ákimi Darhan Satybaldy forýmǵa arnaıy kelgen sheteldik ınvestorlarǵa alǵysyn aıtty.
– Túrkistan qalasynda uıymdastyrylyp otyrǵan halyqaralyq ınvestıtsııalyq forýmǵa qosh keldińizder! Búgingi forým jańa bastamalardy jáne ınvestıtsııalyq jobalardy iske asyrýǵa arnalǵan mańyzdy alań. Halyqaralyq ınvestıtsııalyq forýmǵa Qytaı Halyq Respýblıkasynan 120 kompanııa jáne Qazaqstan óńirlerinen 100-den astam iri kompanııa ókilderi qatysýda. Qazaqstan Respýblıkasynyń Prezıdenti Qasym-Jomart Kemeluly Toqaev pen Qytaı Halyq Respýblıkasynyń Tóraǵasy Sı Tszınpın osy kúnge deıin birneshe ret kezdesip, eki jaqty qatynastardy damytýǵa baǵyttalǵan asa mańyzdy qujattarǵa qol qoıǵan. Eki el arasyndaǵy ekonomıkalyq baılanys nyǵaıa túsýde. Sońǵy 20 jylda Qytaıdan tartylǵan ınvestıtsııalardyń jalpy kólemi 44 mlrd. AQSh dollaryn qurady. Túrkistan oblysy qurylǵannan bastap, Qytaı kapıtalynyń qatysýymen jalpy quny 110 mln. AQSh dollaryn quraıtyn 4 ınvestıtsııalyq joba iske qosyldy. Túrkistan oblysynyń álýeti óte joǵary. Aýyl sharýashylyǵy, óndiris, týrızm jáne barlyq salada ınvestıtsııalyq jobalardy júzege asyrýǵa múmkindik mol. Óńirde ınvestorlarǵa daıyn ınfraqurylymy bar jer ýchaskelerin usynatyn ındýstrıaldy aımaqtar jáne daıyn ǵımarattar ornatylǵan shaǵyn ónerkásiptik parkter bar. Joǵaryda atalǵan ınvestıtsııalyq alańdarda birlesken jobalardy júzege asyrýǵa shaqyramyn, - degen Darhan Satybaldy óńirdiń ınvestıtsııalyq áleýeti týraly keńinen baıandady.
Plenarlyq otyrys barysynda Qytaı Halyq Respýblıkasynyń Almaty qalasyndaǵy Bas konsýlynyń orynbasary Lıýı I sóz alyp, halyqaralyq is-sharanyń elder arasyndaǵy dostyqty nyǵaıtýdaǵy mańyzy týraly aıtty. Sonymen birge spıkerler qatarynda QR Aýyl shaýrashylyǵy mınıstrligi men kásipkerlik salasynyń ókilderi de boldy.
Forým jumysy ári qaraı taqyryptyq paneldik otyrystarǵa jalǵasady. Halyqaralyq mańyzy bar qujattarǵa qol qoıylyp, yntymaqtastyq artady.
Aıta keteıik, Túrkistan oblysynda negizgi kaptıtalǵa tartylǵan ınvestıtsııa kólemi byltyrǵy jyldyń qorytyndysy boıynsha 972 mlrd teńgeni qurap, trıllıonǵa jýyqtaǵan. Bul kórsetkishter aımaqta óndiristiń damyp, ónerkásiptiń damyp jatqanyn aıǵaqtaıdy. Ári óńirde byltyr óńdeý ónerkásibinde 20 ınvestıtsııalyq joba tolyq iske qosylyp, jańa jumys oryndary ashyldy.
Halyqaralyq forýmnyń negizgi maqsaty – Túrkistan oblysynyń ınvestıtsııalyq áleýetin tanystyrý jáne óńirdiń shet eldermen ekonomıkalyq baılanystaryn nyǵaıtý. Investıtsııa tartyp, óndiris oryndaryn kóbeıtý.
