Túrkistandaǵy botanıkalyq baqta qyzǵaldaqtar búr jardy
TÚRKІSTAN. KAZINFORM – Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń «Botanıkalyq baq» ǵylymı-zertteý ınstıtýtynda qyzǵaldaqtar qaýyzyn ashty.
Jylyjaı kesheninde ósirilgen gúlder ǵylymı jobalardyń nátıjeliligin jáne júrgizilgen selektsııalyq jumystardyń tıimdiligin aıqyndaıdy.
2022-2024 jyldar aralyǵynda Ǵylym jáne joǵary bilim mınıstrliginiń granttyq qarjylandyrýy aıasynda «Qazaqstanda qyzǵaldaqtyń bastapqy materıaldar kollektsııasyn jasaý, eksklıýzıvti túrleri men sorttaryn kóbeıtý men ósirýdiń ınnovatsııalyq tehnologııasyn ázirlep, qoldanysqa engizý» ǵylymı jobasy júzege asyryldy.
Atalǵan joba sheńberinde qyzǵaldaqtyń jersindirilgen jáne perspektıvti suryptaryn óndiriske engizýge ǵylymı negiz qalyptasyp, selektsııalyq jumystarǵa arnalǵan bastapqy materıaldar qory jasaqtaldy.
Qazirgi ýaqytta botanıkalyq baqtyń jylyjaıynda qyzǵaldaq ósirý jumystary josparly túrde jalǵasyp jatyr. Bıyl qyzǵaldaqtyń 7 túrli surypynan 7000 dana pııazshyq otyrǵyzyldy.
Bıylǵy maýsymnyń ereksheligi – buǵan deıin qyzǵaldaqtardy ǵylymı zertteý toby ósirip kelgen bolsa, osy jyly botanıkalyq baqtyń jumysshy mamandary ósirip shyqty. Bul ǵylymı ázirlemelerdiń tájirıbelik deńgeıde tıimdi ıgerilgenin jáne tehnologııalardyń turaqty túrde óndiristik úderiske engizilgenin kórsetedi.
Botanıkalyq baqta ósirilgen qyzǵaldaqtar jyl saıyn naýryz aıyndaǵy merekelik is-sharalar aıasynda ýnıversıtettiń ardager oqytýshylary men seriktesterine tabystalady. Sonymen qatar ǵylymı joba nátıjelerin kommertsııalandyrý baǵytynda ónimdi naryqqa shyǵarý múmkindikteri qarastyrylǵan.
Ýnıversıtet ǵalymdary qyzǵaldaq ósirý, jersindirý jáne selektsııalaý baǵytyndaǵy zertteýlerdi kezeń-kezeńimen jalǵastyryp, otandyq gúl sharýashylyǵyn damytýǵa júıeli túrde úles qosýdy kózdeıdi.
Aıta ketelik Shymkentte bıyl 3,5 mln-nan astam gúl egiletini týraly jazǵan edik.