Túrkistandaǵy aýyldardyń birinde 3 jasar bala ájethanaǵa túsip ketken
ASTANA. KAZINFORM — Oqıǵa ornyna kelip jetken qutqarýshylar balany daladaǵy ájethananyń túbinen alyp shyqty, dep habarlaıdy oblystyq TJD baspasóz qyzmeti.
112 pýltine Túrkistan oblysynyń Aqnıet aýylynda 2023 jylǵy bala jeke úıdiń aýlasyndaǵy dala ájethanasyna qulap ketkeni týraly habarlama tústi. Búldirshin ájethanadan ózdiginen shyǵa almaǵan.
— Oqıǵa ornyna birden TJM jedel-qutqarý jasaǵynyń kúshteri men quraldary jiberildi. Qutqarýshylar balany shyǵaryp alyp, ony 103 qyzmetiniń mamandaryna tapsyrdy, — delingen habarlamada.
TJM ata-analarǵa úndeý jasap, balalardy qysqa ýaqytqa bolsa da, qaraýsyz qaldyrmaýǵa shaqyrdy.
Buǵan deıin Túrkistan qalasynda da osyǵan uqsas jaǵdaı boldy. Ol kezde bir jasar bala abaısyzda daladaǵy ájethanaǵa túsip ketkenin jazǵanbyz.
