Túrkistandaǵy 570 oryndyq kópbeıindi aýrýhana qashan paıdalanýǵa beriledi
TÚRKІSTAN. KAZINFORM – Oblys ortalyǵynda salynyp jatqan zamanaýı úlgidegi aýrýhananyń qurylysy 2020 jyly bastalǵan.
Aýrýhananyń qurylysyna qatysty Kazinform tilshisiniń joldaǵan saýalyna QR Densaýlyq saqtaý mınıstrligi resmı jaýap berdi.
– Túrkistan qalasynda 570 oryndyq kópbeıindi aýrýhana jobasy túrkııalyq YDA Group kompanııasynyń jeke bastamasy negizinde iske asyrylady. Mınıstrlik pen ınvestor arasynda kelisimshart jasalmaǵan. Qazirgi ýaqytta mınıstrlik Túrkistan oblysynyń ákimdigimen birlesip, jobany ári qaraı iske asyrý máselesin pysyqtap jatyr, – delingen mınıstrliktiń bizge usynǵan jaýabynda.
Joba jetekshisi Akaı Býlýttyń málimdeýinshe, búginde aýrýhananyń qurylysy 87% aıaqtalǵan. Jospar boıynsha 2026 jyldyń 4-toqsanynda qurylysty aıaqtaý kózdelip otyr.
Budan buryn Túrkistan áýejaıyn senimgerlik basqarýǵa alýǵa nıetti kompanııalar belgili bolǵanyn jazǵan edik.