Túrkistanda jol qurylysy materıaldarynyń 50-den astam synamasy talapqa saı bolmady
TÚRKІSTAN. KAZINFORM — Bıyl Túrkistan qalasynda 100-den astam kósheni jóndeý josparlanǵan. Jyl basynan beri «Jol aktıvteri sapasynyń ulttyq ortalyǵy» mamandary 49 kóshede 113 saraptama júrgizdi.
Injenerler jol qurylysynda paıdalanylatyn topyraq, qıyrshyq tas, qum, tsement, bıtým, asfaltbeton qospasy men asfaltbetonnan 95 synama iriktep aldy. Onyń 19-y normatıvtik talaptarǵa sáıkes kelse, 57-siniń belgilengen talaptarǵa saı emestigi anyqtaldy.
«Jol aktıvteri sapasynyń ulttyq ortalyǵy» RMK Túrkistan oblysy fılıalynyń dırektory Jandos Igembaevtyń aıtýynsha, qala kóshelerinen alynǵan synamalardan tyǵyzdyq koeffıtsıenti men asfaltbeton úlgileriniń sýǵa qanyǵý kórsetkishi boıynsha sáıkessizdikter anyqtalǵan.
— Anyqtalǵan kemshilikter boıynsha merdigerlerge nusqama berildi. Qazir olar óz qarajaty esebinen aqaýlardy joıyp, qurylys materıaldaryn normatıvtik talaptarǵa sáıkestendirip jatyr, — dedi Jandos Igembaev.
Qazir Túrkistandaǵy Jangeldın, Maılın, Qalabı jáne basqa da kóshelerdi qaıta jańartý jumystarynyń sapasy baqylaýǵa alynǵan. Sonymen qatar qalany aınalyp ótetin uzyndyǵy 30 shaqyrym avtomobıl jolyn salý jobasyn iske asyrý josparlanǵan.
Buǵan deıin Túrkistan oblysynda 119,4 mln teńgege asfalt jabyny qaıta tóselgenin habarlaǵan edik.
