Túrkistanda jol erejesin buzǵan 100-ge jýyq elektrli kólik aıyp turaǵyna qoıyldy
TÚRKІSTAN. KAZINFORM – Túrkistan qalasynda jol qozǵalysy qaýipsizdigin qamtamasyz etý maqsatynda elektrli skýter, samokat jáne moped júrgizýshilerine baqylaý kúsheıtildi.
Reıdtik is-sharalar barysynda polıtsııa qyzmetkerleri memlekettik tirkeýsiz paıdalanylǵan kólik quraldaryn, júrgizýshi kýáliginsiz basqarý, motoshlemsiz júrý jáne jol qozǵalysy qaǵıdalarynyń ózge de talaptaryn buzý derekterin anyqtady.
– Jyl basynan beri jol qozǵalysy talaptaryn buzǵan 100-ge jýyq elektrskýter, elektrsamokat jáne moped aıyp turaǵyna qoıyldy. Onyń ishinde sońǵy bir aptanyń ózinde 32 kólik quraly arnaıy turaqqa jetkizildi, – dep habarlady Túrkistan oblystyq polıtsııa departamenti.
Anyqtalǵan quqyq buzýshylyqtar boıynsha kináli tulǵalarǵa qoldanystaǵy zańnamaǵa sáıkes ákimshilik sharalar qoldanyldy.
Tártip saqshylary elektrskýter, elektrsamokat jáne moped júrgizýshilerin jol qozǵalysy qaǵıdalaryn qatań saqtaýǵa shaqyrdy. Vedomstvo joldaǵy qaýipsizdik árbir júrgizýshiniń jaýapkershiligine tikeleı baılanysty ekenin eske saldy.
Buǵan deıin Túrkistanda bes kúnde beldik taqpaǵan 1000-nan asa júrgizýshi jaýapqa tartylǵanyn jazǵan edik.
