Túrkistanda jol apatynan eki adam qaza taýyp, taǵy biri aýrýhanaǵa jatqyzyldy
TÚRKІSTAN. KAZINFORM — Túrkistan oblysynyń Tólebı aýdanynda bolǵan jol apatynan eki adam kóz jumdy. Taǵy bir adam aýrýhanaǵa jetkizildi. Oqıǵaǵa qatysty qylmystyq is qozǵaldy.
Aldyn ala málimet boıynsha, «Lihiang» avtokóliginiń júrgizýshisi qarsy jolaqqa shyǵyp, «VAZ-2114» kóligimen soqtyǵysqan.
Apat saldarynan «VAZ-2114» kóliginiń júrgizýshisi men jolaýshysy oqıǵa ornynda kóz jumdy. Kóliktiń taǵy bir jolaýshysy medıtsınalyq mekemege jatqyzyldy.
Hanaryq aýylynyń turǵyny Samat Ahmetjanovtyń aıtýynsha, qaza tapqandardyń biri 1999 jyly, ekinshisi 2007 jyly týǵan. Aýrýhanaǵa 1999 jyly týǵan azamat jetkizilgen.
— «Lihiang» kóliginiń júrgizýshisi ustalyp, polıtsııa bólimine jetkizildi. Qazir oqıǵanyń barlyq mán-jaıyn anyqtaýǵa baǵyttalǵan tergeý amaldary júrgizilip jatyr, — dep habarlady Túrkistan oblysy polıtsııa departamenti.
Tergeý qorytyndysy boıynsha zańnamaǵa sáıkes protsessýaldyq sheshim qabyldanady. Polıtsııa júrgizýshilerdi jol qozǵalysy erejelerin qatań saqtap, qaýipsiz jyldamdyqty tańdaýǵa jáne jolda muqııat bolýǵa shaqyrdy.
Buǵan deıin Qyzylorda oblysynda jol apatynan eki adam qaza tapqanyn jazǵan edik.
