Túrkistanda jıhaz tsehy órtenip, eki jumysshy kúıip qaldy
TÚRKІSTAN. KAZINFORM - Tsehtyń eki qyzmetkeri órtti ózdiginen sóndirmek bolǵan. Qazir naýqastar qalalyq aýrýhanada em qabyldap jatyr.
Oqıǵa kúndizgi saǵat 11:00 shamasynda boldy. Qyzylorda tas joly boıynda ornalasqan jıhaz tsehynan órt shyǵyp, shatyrynyń birshama bóligi janyp ketken. Al órt sóndirýshiler kelgenshe jalyndy ózdiginen sóndirmek bolǵan eki jumysshy zardap shegip, aýrýhanaǵa jetkizildi. Qazir em qabyldap jatyr.
«Órtti sóndirýge 10 tehnıka qyzmetkeri jumyldyryldy. Tótenshe jaǵdaı qyzmetiniń kúshterimen órt tolyǵymen sóndirildi. Órttiń aýdany 1150 sharshy metr. Sebebi anyqtalyp jatyr», - dedi Túrkistan qalasy Tótenshe jaǵdaılar basqarmasynyń bastyǵy Asqar Seısenov.
Buǵan deıin áıelin tanysymen birge zorlaǵan Túrkistan oblysynyń turǵyny sottalǵanyn jazǵan edik.
