Túrkistanda jekemenshik mekteptiń shatyry órtendi
TÚRKІSTAN. KAZINFORM — Túrkistanda eki qabatty jekemenshik mektep ǵımaratynyń shatyrynan órt shyqty. Ony sóndirýge qutqarýshylar joǵary dárejedegi shaqyrtý boıynsha jumyldyryldy.
Órt Nahıpov kóshesinde bolǵan. Jalyn ǵımarattyń shatyryn sharpyǵan. Oqıǵa ornyna Tótenshe jaǵdaılar mınıstrligi men Apattar medıtsınasy ortalyǵynyń 35 qyzmetkeri jáne 9 tehnıkasy tartyldy.
Oqıǵa ornynda jedel shtab qurylyp, órtti sóndirý úshin sýdyń úzdiksiz berilýi uıymdastyryldy.
— Órt tolyǵymen sóndirildi. Zardap shekkender joq. Órttiń shyǵý sebebi anyqtalyp jatyr, — dep habarlady Túrkistan oblysy Tótenshe jaǵdaılar departamenti.
Buǵan deıin Shymkentte Qaratóbe tasjolynda gaz qubyrynda órt shyqqany habarlanǵan edi. Oqıǵa saldarynan 1500-den astam jeke úı men birqatar nysan gazsyz qalǵan.
