Túrkistanda jaýyn, Mańǵystaýda qar — «Qazgıdromet» boljamy

ASTANA. KAZINFORM — «Qazgıdromet» RMK 26 aqpanǵa arnalǵan aýa raıy boljamyn usyndy.

Sınoptıkter boljamynsha, tsıklondar jáne olarmen baılanysqan frontaldi bólikter áli de Qazaqstan Respýblıkasy aýmaǵynyń basym bóligine óz áserin tıgizetin bolady, jaýyn-shashyn (jańbyr, qar) kútiledi. Tek elimizdiń shyǵysynda jaýyn-shashynsyz aýa raıy saqtalady. Respýblıka boıynsha tuman, kóktaıǵaq, jeldiń kúsheıýi, burqasyn kútiledi.

— Túnde Aqtóbe oblysynyń soltústik-shyǵysynda, kúndiz Almaty, Túrkistan oblystarynyń ońtústiginde, taýly aýdandarynda qatty jaýyn-shashyn (jańbyr, qar), Mańǵystaý oblysynyń ońtústik-shyǵysynda qatty qar kútiledi. Kúndiz Almaty oblysynyń shyǵysynda, Jetisý oblysynyń soltústik-shyǵysynda, taýly aýdandarynda jeldiń 30 m/s jáne odan asa kúsheıýi kútiledi, — delingen habarlamada.

Budan buryn elimizdiń birqatar óńirinde daýyldy eskertý jarııalanǵany anyqtaldy.