Túrkistanda jańa jyldyq bezendirýge bıýdjetten qarjy qarastyrylmaıdy

TÚRKІSTAN. KAZINFORM — Túrkistan qalasynda bıyl úsh jerge shyrsha ornatylady. Bul iske bıýdjetten bir tıynda bólinbeıdi. Bar shyǵyndy demeýshiler kótermek.

Túrkistan qalasy ákimdiginiń baspasóz qyzmeti usynǵan málimetke súıensek, bıyl Túrkistan qalasynda jańa jyldyq shyrsha kerýen-saraı kesheni aýmaǵyna jáne Jeńis saıabaǵyna qoıylady. Al, ákimshilik-iskerlik ortalyqqa bas shyrsha ornatylady. 

Bir aıta keterligi, bıyl da qala ákimdigi merekelik bezendirýge bıýdjetten qarjy bólip otyrǵan joq. Qoldanystaǵy shyrshalar men sáýlettik nysandar turǵyndarǵa merekelik kóńil-kúı syılaıtyn bolady. Sondaı-aq, demeýshiler tarapynan qalany bezendirý isine basymdyq berilmek.

Al, shyrsha ornatyp, jańa jyldyq bezendirý jumystary Táýelsizdik merekesinen soń bastalady.

Aıta keteıik, byltyrǵy jylyda Túrkistan qalasynda jańa jyldyq bezendirýge bıýdjetten qarjy qaralmaǵan bolatyn.