Túrkistanda jalpyqalalyq senbilik ótti
TÚRKІSTAN. KAZINFORM — Túrkistan qalasynda Memleket basshysy Qasym-Jomart Toqaevtyń bastamasymen qolǵa alynǵan «Taza Qazaqstan» ekologııalyq bastamasy aıasynda jalpyqalalyq senbilik ótti.
Aýqymda sharaǵa qala ákimi Ázimbek Pazylbekuly, qalalyq máslıhat depýtattary, zııaly qaýym ókilderi men shahar turǵyndary qatysty.
— Kıeli shaharymyzdyń tazalyǵyna at salysqan árbir azamatqa alǵysym sheksiz. Túrkilerdiń rýhanı astanasyna aınalǵan Túrkistanymyzdyń gúldenýi qala turǵyndarynyń birige eńbek etýine tikeleı baılanysty. Búgingi jalpyhalyqtyq tazalyq jumystary nátıjesinde óńirge at basyn buryp, qonaq bolýshylar sany da arta túspek. Sebebi, qalanyń kórki záýlim saraılary ǵana emes, tazalyǵyna da tikeleı baılanysty, — dedi shahar basshysy.
Tazalyq jumystaryna qatysýshylar saıabaqtar men alańdardy, aryq-atyzdar men kóshelerdi qoqystardan tazartty. Senbilik belsendileri árbir qala turǵyny «Tazalyq — densaýlyq kepili» ekenin uǵynyp, árbir adam óz aýlasyn taza ustaý qajettigin aıtty.
— Biz sekildi erikti jastar qalamyzdyń kórkeıýine úles qosýǵa qashanda daıyn. Zamandastarymdy ıgi isten qashpaı, ózimiz meken etken kıeli shahardyń tazalyǵyna uqyptylyqpen qarap, ekologııalyq mádenıetti qalyptastyrýǵa barymyzdy salýymyz kerek, — dep pikir bildirdi erikti jastardyń kóshin bastaǵan Dáýren Tileýhan.
Sharaǵa 500-ge tarta túrkistandyq qatysyp, 30-ǵa jýyq tehnıka jumyldyryldy. Qoqystar arnaıy polıgondarǵa jetkizildi. Senbilik jumystary aldaǵy ýaqytta da turaqty túrde uıymdastyrylyr turmaq.
Buǵan deıin habarlanǵandaı, Túrkistanda shoshqa jetektegen belsendiler jaýapqa tartyldy.